SAMAIN – ANPA ENTREVALOS

Unha celebración moi nosa.

Temos preparada unha xornada para celebrar o equinoccio de outono, festexando así o Samaín.

Nesta xornada teremos unha decoración especial feita en colaboración con todas as familias. Tamén preparamos uns xogos temáticos e unha busca do tesouro ambientada no propio día. Convidámosvos a vir disfrazados para a ocasión, buscando un traxe da tradición galega, como druídas, ánimas, meigas, etc. Os alumnos e alumnas de sexto terán uns aperitivos preparados para todos aqueles que queiran botarlles unha man na recadación para a excursión de fin de curso.

Esta xornada está dedicada en exclusiva a todas as familias do CEIP QUINTELA que estean asociadas á ANPA ENTREVALOS.

Quen pode ir á festa do Samaín?

Esta celebración está pensada para todas aquelas familias que están asociadas á ANPA ENTREVALOS. Así mesmo, poderán acudir outros membros do seu núcleo familiar aínda que non estean no centro. Isto inclúe as irmás e os irmáns que non están actualmente no CEIP Quintela.

Quen está cuberto polo seguro de accidentes?

O actual seguro de accidentes é válido para o alumnado asociado e escolarizado tanto no CEIP Quintela coma noutro centro educativo do concello de Moaña. Isto require que a familia pagase a cota da ANPA no seu centro de referencia, correspondente ao presente curso escolar. Xa que, a ANPA Entrevalos como membro da federación de ANPAS do concello de Moaña está cuberta polo mesmo seguro. En ningún caso, o seguro de accidentes poderá dar cobertura ao alumnado que non aboase a cota.

Alumnado doutros centros?

A pesar de que este ano é certo que temos un seguro unificado co resto de centros de Moaña, e que polo tanto o alumnado asociado noutras ANPAS estaría cuberto polo mesmo seguro. E tendo en conta a pouca marxe de tempo para a organización e planificación da que dispoñemos para a festa do Samaín, a Xunta Directiva decidiu que esta celebración sexa tan só para familias do CEIP Quintela. Xa que, de non ser así, isto requiriría dun sistema de verificación de asociados doutras ANPAS, algo difícil de asumir co tempo dispoñible.

Axuda para a decoración do Samaín.

Cada delegado/a de clase ten información do tipo de elemento que se vai realizar para a decoración da festa do Samaín. Para iso, algúns necesitarán mercar material e a ANPA dispón dun orzamento para a compra destes materiais. Cada clase terá que centralizar a compra de material co delegado/a de clase ou, no seu defecto, a persoa que se faga responsable nesta ocasión. Unha vez realizadas as compras de material, deberá enviar os xustificantes ao noso correo electrónico (anpaentrevalosquintela@gmail.com). Correo ao que se lle responderá indicándolle como se procederá ao aboamento dos tíckets de compra.
Imos intentar realizar un traballo en común, sendo responsables e mercando materiais que poidan reutilizarse. Intentando minimizar o uso dos plásticos, por non seren na súa maioría reutilizables. O día 30 realizaremos a montaxe da decoración, polo que será necesario que contemos con persoas voluntarias que poidan colaborar. A montaxe comezará ás 16h no patio, xa que está previsto que a actividade comece ás 18h. Calquera dúbida que poida xurdir agradecemos que vos poñades en contacto coa ANPA a través do correo electrónico, ou con calquera dos seus membros para solucionar posibles dúbidas.